“Su belän bäyle afätlärgä citdi qararğa kiräk”
Dön’ya külämendä su belän bäyle fäläqätlärneñ 2021nçe yılda 200 milliard dollardan kübräk iqtisadi (икътисади) çığımı bulğan
BMO azıq-tölek häm awıl xucalığı oyışması (FAO) Ğomum direktorı Çü Dongyü oyışmanıñ İtaliyada bıyıl ikençesen oyıştırğan "Rim su dialogı" isemle cıyılışnıñ açılışında çığış yasadı.
Çü Dongyü näticälelege arttırılğan çaqta awıl xucalığınıñ global’ su krizisına çişeleş täq’dim itüen häm azıq-tölek qurqınıçsızlığına ireşüdä açqıç bulaçağın belderde.
"Suğa bäyä birep citkerelmäwne beterergä tiyışbez”, - dip äytüçe Dongyü su belän bäyle tabiğıy afätlärgä bäyle citdi su problemalarına êffektiv çişeleş tabu öçen azaytu, yañadan qullanu, êşkärtep ütil’läşterü häm alıştıru nigezlärenä tayanğan totışnıñ zarurlığın iskärtep uzdı.
Dongyü: "Su belän bäyle fäläqätlär barı tik 2021nçe yılda ğına da 200 milliard dollardan kübräk iqtisadi (икътисади) çığımğa yul açtı", - dip äytte.
FAO Ğomum direktorı çıdam, totrıqlı, däwam itelerlek su häm azıq-tölek qurqınıçsızlığı öçen tırışılarnı arttırırğa çaqırdı.
Bügen üz êşen tögälläyäçäq Rim su dialogı cıyılışı dialog, awıl xucalığı häm azıq-tölek qurqınıçsızlığı öçen su çığanaqların integral’, komplekslı idarä itügä yünälteläçäk.
