AQŞta bıyıl 1300 dän artıq bala qorallı qırıslıq waqıyğalarında ğomeren yuğaltqan
Soñğı 9 aydağı qorallı höcümnärdä 18 yäş’kä qadärge 3 meñ 570 bala cäräxätlängän
Amerika Quşma Ştatlarında bıyılnıñ 9 ayında qorallı qırıslıq waqıyğalarında 1 meñ 300dän artıq balanıñ ğomere özelgän.
İldäge qorallı höcüm oçraqların kön sayın 7 meñ 500 çığanaqtan tuplağan Qoral zolımı arxivı mäğ’lümatlarına qarağanda, bıyıl AQŞta qorallı köç qullanu näticäsendä 1 meñ 324 bala üterelgän.
Bu näticälär buyınça ildä 18 yäş’kä qadärge balalarnıñ ülem säbäpläre arasında qorallı köç qullanu oçraqları yul-transport hälakätlären uzıp, könenä urtaça 3,6 ülem belän berençe urınğa kütärelgän.
Arxivnıñ internet säxifäsendäge mäğ’lümatlar kürsätkänçä, bıyılnıñ 9 ayında qorallı qırıslıq waqıyğalarında 32 meñ 548 keşe ğomeren yuğaltqan, 28 meñ 338 keşe cäräxätlängän.
Qorallı höcüm qorbanı bulğan 1 meñ 324 balanıñ 1 meñ 96 sı 12 yäş’tän 17 yäş’kä qadär, 230ı 11 yäş’kä qadärge balalar.
Soñğı 9 aydağı qorallı höcümnärdä 18 yäş’kä qadärge 3 meñ 570 bala cäräxätlängän.
