Nigeriyağa 250 meñ tabib kiräk
Xalıqara standartlar buyınça, ber tabibnıñ 600dän azraq awırunı qarawı kiräk, ä Nigeriyada ber tabib 3 meñnän artıq awırunı qabul itä
Nigeriya difteriya kizüe belän köräşkän arada ilneñ Bötendön’ya sälamätlek saqlaw oyışmasınıñ standartlarına turı kilü öçen 250 meñ tabibqa ixtiyacı barlığı belderelde.
Bötendön’ya tabiblar berlegeneñ Nigeriyadağı räise Osaxon Ênabulele ildä 100 meñnän azraq tabib terkälüen citkerde. Bu san, awırular küläme belän çağıştırğanda, kisken räweştä citärsez.
“Xalıqara standartlar buyınça, ber tabibnıñ 600dän azraq awırunı qarawı kiräk, ä Nigeriyada ber tabib 3 meñnän artıq awırunı qabul itä,”-di Ênabulele. Ul ildä yaxşı mediśina sisteması tözü öçen byudjetnıñ 15%ın tarmaqqa ayıru mäs’äläsendä säyäsi nıqlıq kürsätü kiräklegen assızıqladı.
Nigeriyada dekabr’dän birle 7 meñ 202 difteriya oçrağı açıqlandı häm xäzergä qadär 453 keşeneñ ğomere özelde. Bötendön’ya sälamätlek saqlaw oyışması ilneñ ikençe kizü dulqını kiçerüen rasladı.
Difteriya bakteriyäneñ tamaq, borın, küz häm tiregä êlägüe belän başlana. Yoğışlı xastalıq ülemgä kiterä ala.
