YUNİSEF Nigeriyägä difteriya vakśinası cibärgän
İldä 2022 nçe yılnıñ dekabrennän xäzergä çaqlı 7 meñ 202 difteriya oçrağı terkälgän
2043689
Berläşkän Millätlär Oyışmasınıñ Balalarğa yärdm itü fondı YUNİSEF awıruğa qarşı köräşü öçen difeteriya êpidemiyäse arta barğan Nigeriyägä 9 million 300 meñ doza vakśina cibärgän.
Bu xaqta YUNİSEFnıñ Nigeriya êlemtä xezmätkäre Nchekwube Nwosu-Igbo xäbär itä.
4 million doza vakśina êpidemiyäneñ üzäge bulğan Kano ştatına cibärelgän.
Nigeriyädä 2022 nçe yılnıñ dekabrennän xäzergä çaqlı 7 meñ 202 difteriya oçrağı terkälgän häm annan 453 keşeneñ ğomere özelgän.
Difteriya korinebakteriyälär tamaq, borın, küz häm tiregä urnaşqaç barlıqqa kilä.
Yoğışlı awıru ülemgä kiterergä mömkin.