Marokkodağı cir teträwdä ülüçelär sanı arttı

Marokkoda 8nçe sentyabr’dä bulğan cir teträwdä ğomere özelüçelärneñ sanı 2 meñ 960qa citte. İlneñ xökümät süzçese Mostafa Baytas kabinet cıyılışınnan soñ yasağan belderüendä zilziläneñ qorbannarınıñ artuın äytte.

Ul xaräbälär arasında êşçänlekneñ däwam itüen, cimerelgän yortlarnı sanaw prośessınıñ koordinaśiyäle räweştä alıp barıluın belderde. Baytas äytüençä, xökümät zarar kürgän öylärne sanawnı kiläse aynıñ axırına qadär tögällärgä ömetlänä. Şunnan soñ cir teträwdä yort-cirsez qalğan här ğailägä ber yıl buyı ay sayın 2 meñ 500 dirxam (250 dollar) tülänäçäk.

İsegezgä töşeräbez, Marokkoda 8nçe sentyabr’ tönendä Marakeş şähäreneñ Äl-Xuz rayonında 7 ball zurlığındağı cir teträw buldı.

Räsmi sannarğa qarağanda, zilzilä cirlektäge xalıqnıñ öçtän ikesenä, yäğ’ni 2 million 800 meñ keşegä täêsir itkän. Cimerelgän öylärneñ sanınıñ yaqınça 60 meñ buluı belderelde.