Liviyägä 24 ildän yärdämnär kilgän

Su basu fäläkäte bulğan Liviyägä 24 ildän 70 tän artıq oçqıç häm 8 köymä belän yärdämnär kilgän.

Bu xaqta Liviya milli berlek xökümätenä bäyle “Xakomitna” isemle sośial’ media akkauntında citkerelä.

Xalıqara yärdämgä qağılışlı belderüdä Niderlandnıñ su basudan zıyan kürüçelärgä azıq-tölek, darular, sıyınu häm mediśina (мeдицинa) yärdäme kürsätü öçen 2 million yevro yärdäm cibärüe äytelä.

Belderüdä Avstraliyäneñ 1 million dollar yärdäm kürsätergä niyätläwe (ниятләвe), Kön’yaq Koreyanıñ BMOnıñ Liviyädäge yärdäm êşçänlekläre öçen 2 million dollar bülep birüe citkerelä.

Liviyädä su basu fäläkäte 10 nçı sentyabr’dä buldı.

Bötendön’ya sälamätlek saqlaw oyşması süzçese Tarik Yasareviç 19 nçı sentyabr’dä Liviyädäge su basuda 3 meñ 998 keşeneñ ğomere özelüen, 8-9 meñ keşeneñ xäbärsez yuğaluın belderde.