AQŞ ilçelegenä höcüm bulğan

Amerika Quşma Ştatlarınıñ Beyruttağı ilçelege binasına älegä bilgesez keşe yäisä keşelär tarafınnan ut açılğan.

Livan mediasında urın aluçı xäbärlärgä kürä başqalanıñ tön’yağında urnaşqan AQŞ ilçelegenä qorallı höcüm oyıştırılğan.

Tıştan açılğan ut näticäsendä qayber pulyalar binanıñ töp qapqasına häm aldında urnaşqan avtoparktağı maşinalarğa tigän.

Höcümneñ qaysı qoraldan yasaluı, ülüçelär yäki yaralanuçılarnıñ bulıp bulmawı açıqlanmadı.

İlçelek tarafınnan isä höcüm belän bäyle älegä belderü yasalmadı.

Waqıyğanıñ AQŞ ilçelek binasına 1984 yılnıñ 20 sentäbr’ könne bomba töyälgän transport çarası belän oyıştırılğan höcümneñ 39 yıllığına turı kilüe iğtibarnı cälep itte.