Yuğarı qan basımı belän bäyle xisap açıqlandı

Bar dön’yada yuğarı qan basımı bulğan här 5 baliğ keşedän 4ese citärle däräcädä däwalanmıy.

Bötendön’ya sälamätlek saqlaw oyışması yuğarı qan basımı häm täêsirläre belän bäyle berençe xisabın açıqladı.

Xisapka kürä yuğarı qan basımı dön’yada här 3 baliğ keşedän 1sendä küzätelä.

Bu kiñ taralğan häm ülemgä kiterüçe xastalıq paraliç, yöräk öyänäge, ymräk citmäw, böyer awıruı häm qalğan sälamätlek problemalarına kiterä.

Yuğarı qan basımı bulğan keşelär sanı 1990-2019 yıllar arasında ikegä artıp, 650 millionnan 1,3 milliardka citte.

Yuğarı qan basımı bulğan keşelärneñ yartısı diyärlek xasta ikänen añlap betermi.

Bu xastalıq belän awıruçılarnıñ dürttän öç öleşennän kübräge tübän häm urta keremle illärdä yäşi.

Yuğarı qan basımı bulğan här 5 baliğ keşedän 4ese citärle däräcädä däwalanmıy.

İllär yuğarı qan basımı belän köräş qısaların kiñäytkän oçraqta 2023-2050 yıllar arasında 76 million ülemne buldırmıy qalıp bulaçaq.

Olı yäş’ häm genetika qan basımın kütärä ala läkin artıq toz qullanu, fizik yaqtan aktiv bulmaw häm isertkeç êçemleklär êçü yuğarı qan basımı riskın arttıra ala.

Sälamät tuqlanıp, tämäkene taşlap häm kübräk aktiv bulıp qan basımın kontrol’ astında totıp bula.

Bötendön’ya sälamätlek saqlaw oyışması Tedros Adanom Gebreisus beldergänçä yuğarı qan basımın ğadi häm oçsız darular belän kontrol’ itep bula läkin bu xastalığı bulğan 5 keşedän barı tik berse genä anı kontrol’ astına ala ala.