İranda qom buranı

İrannıñ kön’yaq-könçığışındağı Sistan-Beluçistan töbägendä qom häm tuzan buranı säbäple küz küreme naçaraydı, qayber däwlät oyışmaları yalğa çıqtı.

İrannıñ räsmi agentlığı İRNAğa töbäkneñ aşığıç xällär idaräse citäkçese Mäcit Muxibbi bolay dip söyläde: “Qom häm tuzan buranı säbäple Sistan-Beluçistannıñ tön’yağında urnaşqan Zabul, Zexek, Xamun, Xirmend häm Nimruz şähärlärendä qayber däwlät oyışmaları yalğa cibärelde”.

Töbäkneñ meteorologiya ğomum mödire Muxsin Xaydari da hawadağı tuzan külämeneñ artuı säbäple küz küremeneñ Zabulda - 800 metrğa, Zexekta 500 metrğa qadär töşüen belderde.

İranlı wäqalätle watandaşlarğa, bigräk tä yöräk-qan tamırı häm sulış yulları awırularına, uramğa çıqmasqa kiñäş itte.