Rusiyä Barenŝ (Баренц) Awrupa–Arktik Şurasınnan çıqtı
Bu xaqta Rusiyäneñ tışqı êşlär ministrlığı yazmaça belderü yasadı
Rusiyäneñ tışqı êşlär ministrlığınnan yasalğan yazmaça belderüdä Barenŝ (Баренц) Awrupa-Arktik Şurasınıñ 30 yıl buyı tön’yaqta totrıqlılıq täêmin itüçe häm aktiv êşçänleklär alıp baruçı format buluı belderelde.
Barenŝ (Баренц) Awrupa-Arktik Şurasındağı Daniya, Finlyandiya, İslandiya, Norvegiya, Şveŝiya (Швеция) häm Awrupa Komissiyasennän toruçı könbatışlılarnıñ älege formatnı täêsirsez xälgä kiterüenä basım yasalğan belderüdä bolay diyılä: “Alarnıñ xataları arqasında Şuranıñ êşçänlekläre 2022 yılnıñ mart ayınnan birle paraliçlandı.”
Finlyandiyaneñ äyläneş nigezen bozıp, Barenŝ (Баренц) Awrupa-Arktik Şurasınıñ çirattağı räislegen Rusiyägä tapşırmawı citkerelgän belderüdä: “Xäzerge şartlarda Rusiyäneñ Barenŝ (Баренц) Awrupa-Arktik Şurasınnan çığuın açıqlarğa mäcbür bez,” – dip äytelde.
Belderüdä Rusiyäneñ tön’yaqtağı töbäklärgä qarağan milli maqsatların çınğa aşırırğa däwam itäçäge assızıqlandı.
Barenŝ (Баренц) Awrupa-Arktik Şurası Barenŝ töbägendä illär arasındağı xezmättäşlekne üsterü maqsatı belän 1993 yılda qorılğan ide.
