Liviyadä küpme keşeneñ ğomere özelde?

Berläşkän Millätlär Oyışması Liviyadäge su basu fäläkätendä 3958 keşeneñ yaqtı dön’yada kitüen belderde.

BMOnıñ Gumanitar êşlär belän koordinaŝiya ofisı Liviyadä barlıqqa kilgän su basu afäte belän bäyle bularaq 16 sentäbr’ könne açıqlağan xisapta 11 300 bulğan ülüçelär sanın 3958gä üzgärtte.

Gumanitar êşlär belän koordinaŝiya ofisınıñ yaña xisabında Bötendön’ya sälamätlek saqlaw oyışmasına tayandırılıp birelgän mäğlümatlarğa kürä Liviyaneñ könçığışındağı afät arqasında 3958 keşeneñ yaqtı dön’yadan kitüe häm 9 meñnän artıq keşeneñ yuğaluı belderelde.

Êzläw-qotqaru êşçänlekläreneñ däwam itüe häm bu sannarnıñ artuınıñ küzaallanuı citkerelde.

BMOnıñ Xalıqara migraŝiya oyışması mäğlümatlarınnan kürengänçä ilneñ tön’yaq-könçığışında 40 meñnän artıq keşe yortsız qaldı.

Su basuda iñ küp zıyan kürgän Derne şähäre kebek urınnarğa ireşü bulmağanlıqtan mäğlümat çikle däräcädä cıyıla.

Dernedä kim digändä 30 meñ keşe öysez qaldı.

YUNİSEFka tayandırılğan mäğlümatlarğa kürä Liviyadä su basuda zarar kürgän yaqınça 300 meñ bala artqan êç kitü, xolera belän citärsez tuqlanu riskı belän bergä qırıslıq riskı belän dä oçraştı.

Liviya öçen BMOnıñ Ğadättän tış xällär fondınnan aşığıç räweştä 10 million dollar bülep birelde häm 71 million 400 meñ dollarlık aşığıç yärdäm çaqıruı yasaldı.