Liviyädä qotqaru êşçänlekläre däwam itä

Su basular arqasında 6 meñ keşeneñ ğomere özelgän Liviyädä Türkiyäneñ êzläw-qotqaru törkemnäre êşçänlek alıp bara. Afättän iñ küp zıyan kürgän Derna şähärendä alarnıñ kiçä kiç ber ğailäne qotqaruları belderelde.

İlneñ sälamätlek saqlaw ministrlığı citkergänçä, su basu hälakätennän soñ 96 säğat’ uzğaç ta isän keşelärne tabalar. Liviyä qotqaruçıları 26 yäş’lek Näbil Mansur Söläyman belän 34 yäş’lek Ramazan äl-Fäyturinı cimereklär astınnan çığardı. Alarnıñ sälamätlekläreneñ totrıqlı buluı belderelde.

İsegezgä töşeräbez: Urta diñgezneñ urtasında barlıqqa kilgän häm 10nçı sentyabr’dä Liviyäneñ könçığışına bärgän “Daniêl” ğarasatı Bingazi, Beyda, Merc, Suse häm Derna şähärlärendä su basular kiterep çığardı. Xökümät älege afättä 6 meñ keşeneñ ülüen häm tağın meñlägän keşeneñ yuqqa çığuın belderde.