Liviyädä su basu hälakätendä cimerelgän böyälär

Liviyä milli berlek xökümäte räise Abdülxämit Dibäybä ildä 6 meñnän artıq keşeneñ ğomeren özgän su basu afäte säbäple başlanğıç häm urta belem mäktäplärendä 10 kön uqular bulmayaçağın xäbär itte. Ul bu xaqta sośial’ media platforması Feysbuk aşa belderü yasadı.

Dibäybä su basular arqasında öylärennän kitüçelär öçen 700 urınlı ber korabnıñ Derna yarına cibärelüen dä äytte.

Monnan tış, xökümät räise “Daniêl’” ğarasatı waqıtında Dernadağı ike böyäneñ cimerelüen “aşığıç tikşerergä” boyırıq birde.

Liviyä tarixçısı Ferac Davus äd-Dernavi äytüençä, Derna şähäreneñ yartısı üzänlekneñ asqı yağında qala häm ul kön’yaqtan kilüçe barlıq yañğır suları ağuçı noqta. “Daniêl’ ğarasatınnan soñ şähärdä älege yañğır suların totuçı ike böyä cimerelde, bu zur hälakät ide,”-dide belgeç.