Ayda yäşärgä mömkinlek birüçe texnologiyä uylap tabıldı

Ğalimnär astronavtlarnıñ Ayda ozaq waqıt qala aluına mömkinlek biräçäk ênergiyä çığanağı uylap taptı.

AQŞ aviaśiya häm ğaläm idaräse NASAnıñ “Artemida programması” qısalarında 2030nçe yılda Ayda baza qoru maqsat itep quyıla.

Uêl’stağı Bangor universitetı belgeçläre älege bazada yäşäwne mömkin qılu öçen mäk orlığı qadär keçkenä atom-töş küzänäkläre yasadı. Anı Rolls-Roys, Angliyä ğaläm agentlığı häm AQŞtağı Los-Alamos milli laboratoriyäse xezmättäşlegendä uylap tabalar. Bu texnologiyä böten atom-töş ênergiyäse stanśiyäseneñ ber maşina zurlığında buluın täêmin itä.

Marsqa säfärdä tuqtalış bularaq qullanıla aluçı Ay zamança texnologiyälär öçen kiräkle bik küp çığanaqqa iyä. Alarnı döres qullanu, annan başqa planetalarğa kitüne tağın da ciñeläytergä mömkin.

Ayda atmosfera bulmağanğa temperatura -248 gradusqa qadär töşä.

Universitet uylap tapqan Trisofuêl’ dip ataluçı yağulıq Rolls-Roys yasağan mikro atom-töş stanśiyäsendä qullanılaçaq. Anı raketağa quyıp Ayğa cibärergä mömkin.

Bangor universitetınnan başqa törkem isä ğaläm raketaların xäräkät itterü öçen atom-töş çığanaqları uylap tabu belän şöğıl’länä. Proyektnıñ citäkçese Filis Makurun’ye yaña sistemalarnıñ bik köçle êtä aluın häm xäzerge texnologiyälär belän 9 aydan ozın Mars säfären 6 äyğa töşerergä mömkin buluın söyli.