Malida milli matäm iğ'lan itelde

Malida bulğan 2 ayırım terrorçı höcümendä 49 grajdanlı häm 15 ğaskärineñ ğomere özelde.

İlneñ armiyäsennän yasalğan xäbärgä qarağanda, Timbuktu töbäge aşa ağuçı Niger yılğasında yözüçe yulçı köymäsenä ut açalar. Anıñ motorına 3 raketa tiyä. 300 yulçısı bulğan köymä citdi räweştä bozılsa da yarğa yaqınlaşa ala. Andağı 48 keşeneñ höcümdä ülüe açıqlana.

İkençe terrakt Gao töbägendäge Bamba rayonında bula. Anda urnaşqan ğaskärlärgä höcümdä 15 xärbineñ hälaq buluı belderelde.

Xökümättän yasalğan belderüdä älege höcümnärdä ğomere özelüçelär öçen 3 könlek milli matäm iğ’lan itelüe citkerelä. Ul 8nçe sentyabr’ tönennän başlayaçaq.

Höcümnärneñ cawaplılığın Mağrib Äl-Kaidasınıñ (AQIM) Saxeldäge däwamçısı JNİM üz östenä aldı.

Niger yılğasınıñ Mopti töbäge aşa uzuçı öleşendä 3nçe sentyabr’dä dä başqa köymägä höcüm buldı häm waqıyğada ber balanıñ ğomere özelde.