İspaniyä xökümäte başlığı G20 liderlar sammitında qatnaşmayaçaq

İspaniyä xökümäte başlığı Pedro Sançesnıñ koronavirus testı pozitiv çıqqan häm şuña kürä ul 9nçı-10nçı sentyabr’ könnärendä Hindstannıñ Yaña Dälhi şähärendä uzuçı G20 liderlar sammitında qatnaşmayaçaq.

Xökümät yortınnan İspaniyä matbuğatına birelgän mäğ’lümatlarda Sançesnıñ sälamätlegeneñ yaxşı buluı häm Madridtağı öyendä êşen däwam itüe citkerelä.

Sälamätlek saqlaw oyışmalarınıñ kürsätkeçlärenä qarağanda, 21nçe avgusttan 27senä qadär İspaniyädä 508 meñ 744 Kovid-19 testı yasalğan. İke ay êlekkege belän çağıştırğanda, testlarnı satu 500%qa artqan.