İzraildä mäxkämä reformasına qarşı protestlar

İzraildä yıl başınnan birle däwam itüçe “mäxkämä reforması”na qarşı rizasızlıq çaralarında yaqınça 7 million keşe qatnaştı. İlneñ "Haaretz" gazetınıñ xäbärenä qarağanda, poliśiyä idaräse citäkçese Kobi Şabtai ber kiñäşmädä xökümätneñ bäxäsle mäxkämä tözätmälärenä qarşı baruçı protestlar turında mäğ’lümat citkerde.

Şabtai 35 atna här şimbä könne oyıştırıluçı demonstraśiyälärdä qatnaşuçınıñ qayçaq 10 meñ, qayber çaqta 100 meñ buluın belderde. “Mäxkämä reformasına qarşı 4 meñ 400 noqtada ütkärelgän çaralarda 6-7 million izraille qatnaştı,”-dide ul.

Şabtai poliśiyäneñ xalıqnıñ xäräkät iregen bozmawnı küz uñında totıp protestçılarnıñ xoquqlarına xörmät belän qarawın äytte.