ASEAN cıyıla

Kön’yaq-könçığış Aziyä illäre berlegeneñ (ASEAN) 43nçe sammitı İndoneziyäneñ başqalası Djakartada 5nçe sentyabr’dän 7senä qadär uza. Anda äğ’za däwlätlärneñ iq’tisadi integraśiyä häm regional’ problemaları qaralaçaq.

Töp sammit qısalarında başqa utırışlar da kötelä. Mäsälän, 26nçı Qıtay – ASEAN sammitı, Qıtay, Yaponiyä häm Kön’yaq Koreya kerüçe ASEAN+3 kiñäşmäse, 18nçe Könçığış Aziyä sammitı häm ASEAN Hind-Tın okean forumı uzaçaq.

Sammitta M’yanmada xärbi tüntäreleş häm däwam itüçe êçke bäreleşlärneñ çişelmäwe kiterep çığarğan problemalar, Kön’yaq Qıtay diñgezendä suverenlıq turında bäxäslär, Qıtay belän AQŞ arasında köndäşlekneñ artuı häm yoğıntı öçen köräş şikelle mäs’älälär 10 il liderınıñ könüzäk maddäläre arasında.