Gabonda tüntäreleştän soñ çiklär qabat açıldı

Gabonda xärbi idarä cir öste, hawa häm diñgez çiklären qabat açuın belderde.

Oyışmalarnıñ küçü häm torğızılu komitetı süzçese Ul’rix Manfumbi däwlät telekanalına interv’yusında xoquqnıñ östenlegen, kürşe illär häm böten dön’ya belän yaxşı mönäsäbätlärne saqlawnı maqsat itep quyuların assızıqladı. “Gabon çikläre tüntäreleştän soñ 3 kön ütügä qabat açıla,”-dide ul.  

Manfumbi Gabonnıñ xalıqara burıçların cirenä citkerü öçen tırışaçağına basım yasap, ilgä kerüçe häm çığuçılarnıñ säyäxät dokumentların kürsätüe citüen belderä.

Gabonda 30nçı avgustta milli televideniye (тeлeвидeниe) binasına kergän ber törkem xärbi idaräne qulğa töşerülären iğ’lan itte. Alar 26nçı avgustta uzğan saylawlarnıñ ğamäldän çığarıluın häm il çikläreneñ yabıluın belderde. Lider bularaq cömhüriyät gvardiyäse komandirı, general Bris Oligui Ngema quyıluı açıqlandı.