Denge bizgäge ber täwlektä 21 keşene alıp kitkän

Bangladeşta soñğı 24 säğat’tä denge bizgägennän tağın 21 keşe ülgän häm bıyıl älege ildä bu awırudan ğomere özelüçelärneñ sanı 618gä citkän.

Bangladeş sälamätlek saqlaw xezmäte idaräse beldergänçä, avgustta bizgäk 342 keşene yaqtı dönyadan alıp kitkän. İldä älege çirne yoqtıruçılarnıñ tulayım sanı yaqınça 127 meñ 700.

Denge bizgäge iñ küp kürelgän cirlek – başqala Dakka. Soñğı 24 säğat’tä ülgän 21 keşeneñ 17se näq’ menä anda. Başqalada bıyıl ülüçelär sanı 456ğa citkän.

Denge bizgäge tropik häm subtropik töbäklärdä oçrıy. Ul keşelärgä ozınborınnardan êlägä. Çir inkubaśiyä çorınnan soñ ğaddättä ciñelçä temperatura kütärelügä kiterä, qayber oçraqlarda ülem belän tögällänä.