Pentagon: "Vagner bette"

Amerika Quşma Ştatlarınıñ saqlanu ministrlığı (Pentagon) süzçese, general Patrik Rayder oyıştıruçısı Yevgeniy Prigojin ülgännän soñ “Vagner törkeme asılında bette” dide. Köndälek matbuğat cıyılışında ber jurnalist aña Tön’yaq Koreyanıñ “Vagner”ğa qoral satuı turında uzğan yıl çıqqan süzlärne xäterlätep: “Vagner belän Tön’yaq Koreya arasındağı qoral kileşüeneñ betüenä ışanasızmı?”-dip soradı. Rayder isä Prigojin ülgännän soñ “Vagner”nıñ betüen häm, şuña kürä, kileşüneñ dä yuqqa çığuın äytte.

Pentagon süzçese “Vagner” törkemeneñ berwaqıt Rusiyä-Ukraina suğışında frontta iñ êffektiv faktor buluın belderde.  

“Rusiyä İran häm Tön’yaq Koreya şikelle zalim rejimnardan suğış kiräk-yaraqları yäisä qoral alırğa tırışa,”-di Patrik Rayder.