11 aylıq bäbäy 23 ildä buldı

Yaña Zelandiyädä 11 aylıq bäbäy 23 ildä buldı.

İrle-xatınlı Beks L’yuis häm Uill Montgomeri uzğan yıl avgust ayında Atlas isemle sabıyların qoçaqlarına aluğa bäbi yalında säyäxät itärgä qarar qıla.  Kuinstaun şähärendäge öylärennän yulğa quzğalğan par böten Awrupanı äylänep çığarğa planlaştıra.

Atlas Şveyśariyädä ürmälärgä öyränä, berençe teşen Norvegiyädä çığara häm Franśiyädä qatı rizıq aşıy başlıy.

“Bäbäy belän säyäxät itä alaçağıbız uyğa da kilmägän ide. Çınğa aşar şikelle kürenmi ide, tik ul qadär dä awır tügel ikän,”- di par. Alar mikroavtobus satıp ala häm San-Marino, Şveyśariyä, Lixtenşteyn, Sloveniya, Xorvatiya, Avstriya, Çexiya, Daniya häm Norvegiyäne dä kertep 23 ildä bulırğa citeşä.

Säyäxätläre tögällängändä 1 yäş’lek Atlas 25 däwlätkä säyäxät itkän bulaçaq.