Tön'yaq Koreya nik çiklären açtı?
Tön’yaq Koreya Kovid-19 kizüe säbäple 3 yıl yabılıp torğannan soñ uzğan yäkşämbe könne çit ildäge watandaşlarınıñ ilgä kire qaytuına röxsät birelüen xäbär itte
Kön’yaq Koreya fikerençä, Tön’yaq Koreyanıñ koronavirus kizüennän saqlanu çaraları qısalarında 3 yıl yabıp totqan çiklären qabat açuınıñ säbäbe - iq’tisadi qıyınlıqlar.
Yonhap xäbärenä qarağanda, Kön’yaq Koreya berläşü ministrlığı süzçese Ku Byon Sam älege xälne bolay dip añlata: “Çigeneñ yabıluı säbäple Tön’yaq Koreya törle iq’tisadi awırlıqlar belän oçraştı”. Ul Pxen’yannıñ barı çit ildäge xezmätkärläreneñ ilgä qaytuına röxsät birüen assızıqlap, Qıtayğa sıyınğan Tön’yaq Koreyalılarnıñ illärenä mäcbüri tapşırılaçağı belän bäyle citdi borçıluları barlığın äytte.
“Sıyınuçılarnıñ Tön’yaq Koreyağa mäcbüri cibärelmäskä tiyeşlegenä qabat basım yasıybız. Alarnıñ teläklären xörmät itärgä kiräk,”-dide Ku Byon Sam.
Tön’yaq Koreya Kovid-19 kizüe säbäple 3 yıl yabılıp torğannan soñ uzğan yäkşämbe könne çit ildäge watandaşlarınıñ ilgä kire qaytuına röxsät birelüen xäbär itte.
