Rimnı tıçqannar bastı

İtaliyä başqalası Rimnıñ tarixi-turistik urınnarında soñğı waqıtta tıçqannarnıñ yış kürenüe wäqalätlelärne borçuğa saldı. İl matbuğatındağı xäbärlärgä qarağanda, Rim mêriyäseneñ êkologiyä departamentı Kolizeyda häm kimerüçelär kürengän başqa noqtalarda êş başladı. Qayber urınnarğa qapqınnar quyıldı. Ä Kolizey yänäşäsendäge yäşel mäydanda çüplärne cıyu tizlätelde.

Rim mêriyäseneñ êkologiyä häm tirä-yün’ moxit êşçänlekläre öçen cawaplı äğ’zası Sabrina Al’fonsi de Adnkrinos şähärdä tıçqannar häm küselär yış kürenüçe noqtalarda külämle köräşneñ kiçä başlanuın belderde.

İtaliyäneñ “Rainews24” kanalı “Rimda rimlılarğa qarağanda tıçqannar kübräk” digän xäbärendä citkergänçä, başqalada 7 million tiräse kimerüçe yäşäwe farazlana.