Franśiyädä berençe qar töşte

Franśiyädä, üzäk töbäklärdä kürelüçe yuğarı temperaturağa qaramastan, kön’yaq-könçığıştağı Al’p tawı tezmäsendä fasılnıñ täwge qarı töşte.

Franśuz telekanalı BFMTVnıñ xäbärenä qarağanda, Gauts-Al’p töbägendä diñgez öslegennän 2 meñ 45 metr biyeklektäge Sent-Veran şähärçegendä yäşäwçelär irtän uyanğanda qar yawuın kürde. Älege säğat’lärdä Franśuz Al’pları dip tä yörtelüçe regionda temperatura +1,9 gradus bularaq ülçänä.

Yänäşädäge Serr-Şeval’ye häm Prorel’ya töbäklärendä dä oxşaş hawa torışı küzätelä.

Franśiyä meteorologiyä idaräse dä sośial’ media platformasınnan yasağan belderüendä irtän Êkrins häm Meyenıñ 2 meñ 900 metr biyeklegendäge rayonnarına qar yawuın citkerde.

İlneñ isä üzäk regionnarında çiktän tış êsseleklär terkälde. Äle küptän tügel qayber cirleklärdä termometrlar 40 gradustan yuğarı kürsätte.