Djo Bayden Gavayda

Amerika Quşma Ştatları ilbaşı Djo Bayden urman yanğınnarı salğan zıyannı kürü öçen Gavayğa bardı häm Maui töbägenä yärdäm kürsätergä süz birde.

Bayden, Gavayğa säfärendä çığış yasap, AQŞ xalqınıñ yanğınnan qotıluçılar belän bergä matämdä buluın, federal’ xökümätneñ Mauineñ üterüçe yanğınnardan qotıluı öçen ni qadär waqıt däwam itsä dä yärdäm kürsätäçägen belderde.

Utrawdağı yanğın başlanğannan 13 könnän soñ töbäkkä kilgän däwlät başlığı kim digändä 115 keşeneñ ğomere özelgän yanğında zıyan kürüçelärgä açıqlaw yasap bolay dide: “Gubernatornıñ yärdäm taläben waqıt yuğaltmıyça imzaladım, zıyan kürüçelärneñ barlıq ixtıyacların qanäğat’länderäçäkbez”.

AQŞ ilbaşı xäläl cefete Djill Bayden belän bergä yanğında zıyan kürgän töbäkne boralaqqa utırıp tikşerde.

Gavayi gubernatorı Djoş Grin töbäktä êzläw-qotqaru törkemnäreneñ däwam itüçe êşçänlekläre waqıtınfa könenä 10-20 mäyet taba alaçaqların äytep, tuplam ülüçelär sanınıñ 10 könnän soñ bilgelänäçägen citkergän ide.

Maui mêrı Riçard Bissen soŝial’ säxifädäge akkauntında açıqlaw yasap, yanğınnar arqasında 850 keşedän xäbär ala almawların beldergän ide.