BMOda awır qarar qabul itelde

Berläşkän Millätlär Oyışmasınıñ Bötendönya Azıq-tölek programması finans probleması arqasında sentäbr’ ayı azağınnan başlap Yämändä alıp barıluçı barlıq yärdäm êşçänlekläreneñ azaytılaçağın citkerde.

Berläşkän Millätlär Oyışmasınıñ Bötendönya azıq-tölek programmasınıñ internet säxifäsennän yasalğan yazmaça belderüdän kürengänçä, Yämändäge operaŝiyalär (операцияләр) öçen kiräkle finanslaw tabuda qıyınlıq küzätelä häm bu arqada azıq-tölek yärdämnären kimetü kebek qayber awır qararlarnı qabul itü qotılğısız xälgä kilgän.  

Sentäbr’ ayı axırınnan başlap ğamälgä keräçäk bu qarar Berläşkän Millätlär Oyışmasınıñ Bötendönya azıq-tölek programması Yämändä alıp barğan ğomum azıq-tölek yärdämen kürsätü programması, tuqlanu häm mäktäptä tuqlanu programmalarına täêsir itäçäk.

Belderügä kürä, kiräkle fond täêmin itelmägäñ oçraqta ilneñ tön’yağında yaqınça 3 million, kön’yağında isä 1 million 400 meñ keşegä azıq-tölek yärdämnären kimetü qararı täêsir itäçäk.