548 fetnäçe üterelde

Uganda armiyäseneñ Kongo demokratik cömhüriyätendä alıp barğan xärbi operaśiyälärendä fetnäçe “Demokratik ittifaq’ köçläre”neñ 548 äğ’zası üterelüe açıqlandı. Älege xäräkätneñ süzçese, mayor Bilal Katamba beldergänçä, monnan tış, 50 fetnäçe êläkterelgän, 31e üze birelgän. Ul älege prośess waqıtında xärbilär arasındağı yuğaltu turında mäğ’lümat belän urtaqlaşmadı.

Kongo demokratik cömhüriyätendä köç qullanu waqıyğaları artqannan soñ ilneñ Tön’yaq Kivu häm İturi töbäklärendä, iminlekne kontrol’ astına alu maqsatınnan, 2021nçe yılnıñ 7nçe mayında xärbi qamalış iğ’lan itelde.  Anıñ nigezendä cirlektäge grajdanlı wäqalätlelär wazıyfasınnan alındı häm urınına xärbilär quyıldı.

Uganda häm Kongo demokratik cömhüriyäte 1990nçı yıllarnıñ axırınnan üzen kürsätä başlağan fetnäçe “Demokratik ittifaq’ köçläre”neñ höcümnärendä 2014nçe yıldan başlap meñnärçä keşeneñ üterelüen häm yözlärçä meñeneñ yäşägän urınnarın taşlap kitärgä mäcbür buluın belderä.