Sudanda küçep kitüçelär

Berläşkän Millätlär Oyışmasınıñ qaçaqlar yuğarı komissarlığı süzçese William Spindler BMO Jeneva ofisınıñ atnalıq matbuğat oçraşuında Sudan armiyası belän xökümätneñ ğisyançı (гыйсъянчы) dip iğ’lan itkän operativ yärdäm köçläre arasında 15nçe aprel’dän birle däwam (дәвам) itüçe watandaşlar suğışın bäyäläde.

Spindler: "Sudanda bäreleşlär başlanğannan birle 4 million 300 meñ keşe mäcbüri küçep kitkän. Bu sanğa kürşe illärgä kitkän 900 meñnän kübräk migrant häm sıyınuçı belän Kön’yaq Sudanğa qaytırğa mäcbür bulğan 195 meñ Kön’yaq Sudanlı kerä. Sudanda bäreleşlärneñ başınnan birle 3 million 200 meñnän kübräk keşe il êçendä küçep kitkän”, - dip äytte.

Bötendönya sälamätlek saqlaw oyışması süzçese Margaret Harris isä Sudandağı bäreleşlärneñ keşelärneñ tormışına häm sälamätlegenä cimergeç yoğıntı (йогынты) yasawına işarät itte.

Harris: "Bäreleşlärdän iñ küp täêsirlängän töbäklärdäge xastaxanälärneñ yaqınça 67%  êşlämi. Bötendönya sälamätlek saqlaw oyışması bäreleşlär barğan şuşı 4 ayda sälamätlek saqlaw üzäklärenä 53 höcümne rasladı. Bu höcümnär 11 ülem, 38 yaralanu häm 10 meñlägän keşeneñ sälamätlek saqlaw xezmätlärenä ireşüeneñ totqarlanuı belän tögällände”, - dip belderde.

Sudanda däwam (дәвам) itüçe qızamıq, bizgäk häm denge kebek kizülärneñ dä bozılğan sälamätlek saqlaw sisteması arqasında kontrol’ itelüeneñ awır buluına basım yasawçı Harris ilneñ 40%ınnan kübrägeneñ açlıqqa duçar buluın iskärtep uzdı.