Bangladeşta xastaxanädä rekord

Bangladeşta soñğı 24 säğat’tä tağın 18 keşe denge bizgäge arqasında ülde. Şulay itep ildä bu xastalıqtan ğomere özelüçelärneñ sanı 416ğa citte.

Bangladeş sälamätlek saqlaw xezmätläre ğomum idaräse beldergänçä, ildä denge bizgägen yoqtıruçılar 87 meñ 891 buldı. Şularnıñ 43 meñ 665e başqala Dakkada.

Bangladeşta iyül’dä, uzğan yılnıñ şul uq çorı belän çağıştırğanda, 8 tapqır kübräk awırtu oçrağı terkälde.

İldä kiçä älege çir belän 2 meñ 905 keşe xastaxanägä salınğan. Bu - barı ber köndä xastaxanägä salınuçılar sanında rekord.