Pol’şa saqlanu ministrlığı Belarus' çigenä östämä xärbi köç urnaştırunı rasladı

Pol’şanıñ “PAP” xäbär agentlığı citkergänçä, ministrlıqtan yasalğan belderüdä: "Saqlanu ministrı Mariuş Blaşçak çik saqçılarınıñ tağın da kübräk ğaskäri soraw-taläben qabul itte. Pol’şa-Belarus' çigendäge dinamik wazğıyät häm yasalğan soraw-taläp arqasında ministr Blaşçak östämä xärbilärneñ wazıyfalandırıluı boyırığın birde”, - dip äytelde.

Pol’şa çik buyı saqçıları atna başında Belarus' çigenä östämä 1 meñ ğaskärineñ cibärelüen sorağan ide.

Varşava citäkçelege Belarus' çigenä êlektron qoyma da salğan ide.

Uzğan atnalarda “Vagner” yalçı ğaskärilär törkeme äğ’zaläre Pol’şa çige yanında kürengän, Baş ministr Mateuş Moraveśkiy (Моравецкий) dä bu täräqqıyätneñ NATOnıñ könçığış öleşendäge wazğıyätne totrıqsızlaştırunı maqsat itüen äytkän ide.

Pol’şa mediasına kürä, ilneñ Belarus çigendä xäzerge waqıtta 2 meñ ğaskäri belän bergä yözlärçä poliśiya (полиция) xezmätkäre häm çik saqçısı wazıyfa başqara.