İzrail bıyıl 40 fälästinle balanı üterde

Xalıqara Balalarnı yaqlaw xäräkäteneñ Fälästindäge bülege räsmi zatı Ayid Êbu Katiş mäs’älä belän bäyle bularaq Fälästinneñ räsmi xäbär agentlığı WAFAğa açıqlaw yasadı.

Yawlaw astındağı Yordannıñ könbatış üzänlegendä qanunsız yähüd bistäläreneñ iminlek xezmätkäre açqan utta 17 yäş’lek fälästinle Remzi Fethi Hamidneñ xastaxanädä yaqtı dön’yadan kitüen xäterlätkän Êbu Katiş şul räweşle İzrail bıyıl ütergän fälästinle balalar sanınıñ 40ka citüen äytte.

Êbu Katil beldergänçä İzrail köçläre yäisä yähüd bistälärendä yäşäwçelär bıyıl Yordannıñ könbatış üzänlegendä 33, blokada astındağı Ğazzädä 7 balanı üterde.

Räsmi zat İzrail xökümäteneñ xäzerge waqıtta 160 fälätinle balanı saq astında totuın da citkerde.

Êbu Katiş ğayeplelärneñ cäzasız qaluınıñ yähüd bistälärendä yäşäwçelärneñ fälästinle balalarnı üterüenä kirtä quymayaçağın assızıqlap, yähüdlär tarafınnan başqarıluçı häm balalarnıñ ülemenä iltüçe höcümnärneñ härwaqıt cäzasız qaluın açıqladı.