AQŞ: "Rusiyä Qara diñgezdäge korablarğa höcüm itärgä mömkin"

Amerika Quşma Ştatları Rusiyäneñ Ukraina portlarına kerä torğan urınnarda östämä räweştä diñgez minaları quyuın häm bu mäs’älädä Ukrainanı ğayepläp, Qara dingezdäge korablarğa höcüm itä aluın alğa sörä.

Aq Yort milli iminlek şurası strategik êlemtä koordinatorı Djon Kirbi köndälek onlayn matbuğat cıyılışında jurnalistlarnıñ sorawlarına cawap birde.  Ul Rusiyäneñ Ukraina portların utqa totuın häm awıl xucalığı asqormasına zarar birüen xäterlätep, Mäskäwneñ älege ğamällären kiñäytep, Qara dingezdäge grajdanlı korablarğa da höcüm itä başlıy aluı turında kisätte.  

Kirbi bolay dip söyli: “Qulıbızdağı mäğ’lümatlar Rusiyäneñ Ukraina portlarına kerä torğan urınnarğa östämä diñgez minaları quyuın kürsätä. Rusiyä yağı yänäse Ukrainanıqı buluın äytep dingez minası tabıp şartlatuların töşergän video çığardı.  Monıñ Qara diñgezdä grajdanlı korablarğa qarata nindi dä bulsa höcümne legal’läşterü häm şunnan soñ “yalğan bayraq” operaśiyäse qısalarında Ukrainanı ğayepläw öçen koordinaśiyäle alıp barılğan êş buluına ışanabız”.

Kirbi, şul uq waqıtta, Rusiyäne Aşlıq koridorı kileşüenä kire qaytırğa çaqıruın yañarttı.