Şveŝiya ilçelegenä ut törtkännär
Rizasızlıq belderüçelär Şveŝiya ilçelege binasınıñ qayber urınnarın cimerde
Ğıyraq başqalası Bagdatta şiğıy dini häm säyäsi lider Mukteda es-Sadr başlığı bulğan Sadr xäräkätenä bäyle törkemnär Şveŝiya ilçelege binasına kerep, qayber bülmälärenä ut törtte.
Sadr xäräkäte tarafdarları ilçelek yanına barıp, Şveŝiyadäge Qor’än-i Kärimne yandıru çarasın protest itä başladı.
Protestçılar ilçelek binası yanında qorılğan beton bar’yerlarnı cimerep, Şveŝiya xökümätenä qarşı şiğar’ äytte, ilçelek baqçasına kerde.
Rizasızlıq belderüçelär Şveŝiya ilçelege binasınıñ qayber urınnarın cimerde.
Ğıyraqnıñ tışqı êşlär ministrlığınnan yasalğan açıqlawda Şveŝiyaneñ Bagdattağı ilçelege binasına ut törtüne qırıs räweştä ğayepläwe belderelep: “Bu çara diplomatik missiya wäkilçeleklärenä höcüm häm iminlekkä yanaw qısalarına kerä,” – dip äytelde.
Açıqlawda xökümät tarafınnan Şveŝiya ilçelegenä höcüm oyıştıruçılarnıñ tabılıp, qanunnarğa kürä cäzağa tartıluı häm waqıyğanıñ yaqtırtıluı öçen iminlek köçlärenä tikşerü başlatu boyırığınıñ birelüe dä citkerelde.
Sadr tarafdarları monnan alda da Şveŝiya ilçelege binasına basıp kergän ide.
