2023nçe yıl iñ cılı yıl bulırğa mömkin
Temperatura ülçänep terkälä başlağan 1850nçe yıldan birle iñ cılı yıl älegä qadär 2016 ide
2023nçe yılnıñ 81% ixtimal belän terkälgän iñ cılı yıl bulaçağı uylanıla.
“Berkeley Earth” ütkärgän ber tikşerenügä qarağanda, temperatura ülçänä başlanğan 1850nçe yıldan birle uzğan ay iñ cılı iyün’ bularaq terkälde. Anda global’ cılılıq 1850nçe yıldan1900nçe yılğa qadär bulğan çornıñ urtaçasınnan 1,47 gradusqa arttı.
Ağımdağı yılnıñ iyünendä okennarda da temperaturanıñ rekord artuı küzätelä - 1,12 gradusqa.
Ğıynvar-iyün’ çorı cılılıqları iğ’tibarğa alınğanda, iyün’neñ rekord yuğarı temperaturasınnan soñ, Êl’-Nin’yo tabiğat’ küreneşeneñ dä täêsire belän 2023nçe yılnıñ terkälgän iñ cılı yıl bulu ixtimalı bar. Alay bulmağan oçraqta da, ul iñ cılı 4 yılnıñ berse isemlegenä keräçäk.
Global’ urtaça cılılıq başta 3nçe iyül’dä rekord yasağannan soñ, annan soñğı könnär bu rekordnı uza bardı häm şulay itep ağımdağı aynıñ berençe atnası “iñ cılı atna” bularaq terkälde.
Moña qadär terkälgän iñ cılı yıl 2016 ide.
