Qırım küperendä ğadättän tış xäl

Qırım küpere “ğadättän tış xäl” säbäple maşinalar xäräkäte öçen yabıldı.

Rusiyä qanunsız annekśiyälägän Qırımnıñ gubernator wazıyfasın başqaruçı Sergey Aksyenov belderüendä küperdä detal’läre äytelmäwçe ğadättän tış xäl buluın citkerde. Näticädä anıñ aşa maşinalar ütep yörüe tuqtatılğan. “İminlek häm başqa xezmätlär êşçänleklären alıp bara,”-di ul.

“RBK-Ukraina” xäbär säxifäse Qırım küpere strukturasında bozılu barlıqqa kilü turında mäğ’lümat çığardı. Xäbärdä küpergä höcüm yasaluı, anı Ukraina iminlek xezmäte belän diñgez köçläre planlaştıruı häm su öste keşesez hawa aparatları yärdämendä başqaruı äytelä.