Şveŝiyaneñ NATOğa quşıluın zarığıp kötälär

Amerika Quşma Ştatları häm Skandinaviya illäre Şveŝiyaneñ qısqa waqıtta NATOğa quşıluın zarığıp kötä.

Finlyandiya başqalası Xel’sinkida Amerika Quşma Ştatları, Finlyandiya, Daniya, İslandiya, Norvegiya häm Şveŝiyale liderlar qatnaşında oyıştırılğan 3nçe AQŞ-Skandinaviya Liderlar oçraşuınnan soñ illär urtaq açıqlaw yasadı.

Açıqlawğa kürä Vil’nyustağı NATO sammitınnan soñ küreşkän liderlar Ukrainadağı suğış arqasında Rusiyäne ğayepläwlären qabatladı häm Ukrainanı xuplawnı däwam itterü mäs’äläsendä süz birde.

Ukrainada ğadel häm daimi tınıçlıq öçen mömkin bulğan iñ kiñ xalıqara xuplawnı kürsätü maqsatı belän diplomatik tırışlıqlarnı däwam itterü yöklämäse urın alğan açıqlawda ittifaqnıñ regional’ häm transatlantik iminlek häm totrıqlılıq cähatennän ähämiyäte bilgeläp ütelde.

Açıqlawda bolay diyelä: “AQŞ häm Skandinaviya illäre Şveŝiya, Türkiyä häm NATO Ğomum särqätibe Yens Stoltenbergnıñ 10 iyul’ könge açıqlawınnan qanäğat’ häm Şveŝiyaneñ qısqa waqıtta NATOğa quşıluın zarığıp kötä.”