Açlıq 735 million keşegä täêsir itä
Dön’yada 2022 yılda açlıq belän oçraşuçılar sanı urtaça 735 millionğa citte
Üzäge Rimda urnaşqan Berläşkän Millätlär Oyışması oyışmaları, Azıq-tölek häm igençelek oyışması, Bötendön’ya Azıq-tölek programması, Xalıqara Awıl xucalığın üsterü fondı, Berläşkän Millätlär Oyışmasınıñ Balalarğa yärdäm kürsätü fondı UNİSEF häm Bötendön’ya sälamätlek saqlaw oyışması urtaq räweştä äzerlägän “BMO 2023 Bötendön’ya azıq-tölek qurqınıçsızlığı” isemle xisap açıqladı.
Xisapnıñ tanıtu cıyılışına video yullama cibärgän Berläşkän Millätlär Oyışması ğomum särqätibe Antoniu Guterreş: “Berkem dä aç qalırğa tiyeş tügel,” – dide.
Xisapka kürä koronavirus kizüe, Ukrainadağı suğış häm klimat şokları kebek berdän küp krizisnıñ täêsire belän 2019dan bügengä qadär açlıq belän oçraşqan keşe sanı 122 million tiräse artqan.
Dön’yada uzğan yılnı 691-783 million keşe açlıq belän köräşte, urtaça san 735 million bularaq isäplände.
Aziya häm Latin Amerikada açlıqnı azaytuda alğatış täêmin itelde läkin 2022 yılda Könbatış Aziya, Karib töbäge häm Afrikanıñ barlıq töbäklärendä açlıq artqan.
