Qara diñgez aşlıq kileşüe ozaytılırmı?

Berläşkän Millätlär oyışması 17nçe iyül’dä ğamäldän çığaçaq Qara dingez aşlıq koridorı kileşüeneñ ozaytıluı öçen söyläşülärneñ däwam (дәвам) itüen belderde.

BMO süzçese Stefan Duyarriç köndälek matbuğat cıyılışında ğomum särqatip Antonio Guterrişnıñ da prośessta (процесста) tiränten qatnaşuın söyläde.

“Kileşüneñ tulısınça ğamälgä aşırıluı häm ozaytıluı öçen qulıbızdan kilgänçä tırışabız,”- dide ul. Duyarriç kileşüneñ global’ açlıqqa qarşı köräştä ähämiyätle buluın assızıqladı. Anıñ äytüençä, BMOnıñ Rusiyä, Ukraina häm Türkiyä (Төркия) belän älege mäs’älädä êlemtäläre özelmi.

Qara diñgez aşlıq koridorı kileşüe 2022nçe yılnıñ 22nçe iyülendä İstanbulda BMO, Rusiyä, Türkiyä häm Ukraina tarafınnan imzalanğan ide. Ul suğışnıñ global’ azıq-tölek bäyälärendäge täêsiren kimetü maqsatı quya.

Moña qadär berniçä tapqır waqıtı ozaytılğan kileşü 17nçe iyül’dä ğamäldän çığa. Rusiyä wäqalätleläre anı ozaytu öçen säbäp kürmäwlären belderä.