Saylaw waqıtında 18 keşe ülgän

Hindstannıñ Könbatış Bengal töbägendä uzuçı cirle saylawlarda tawış (тавыш) birü urınnarında çıqqan ğawğalarda 18 keşeneñ ğomere özelgän, distälärçä keşe yaralanğan.

Hind matbuğatında urın alğan xäbärlärgä qarağanda, 104 million keşe yäşi torğan provinśiyädä mêriyä saylawları öçen xalıq uçastoklarğa bara. Andağı bäxäslär ğawğağa äwerelä häm ülemnärgä kiterä. Bik küp tawış birü ärcäseneñ bozıluı häm qayber mäktäplärdä byulleten’närneñ yandırıluı citkerelä. Murşidabad rayonında isä poliśiyä maşinalarına ut törtkännär.

Bxaratiya Janata partiyäse älege waqıyğalarda Trimanool Kongress partiyäsen ğayepläde. Ä ilneñ yäş’lär êşläre häm sport ministrı Anurag Txakur töbäk xökümäte räise Mamata Banerjinı “üterülär häm çualışlardan başqa” saylaw belän idarä itä almawın belderde.

Qayber säyäsätçelär isä saylawlarnıñ maxsus räweştä irtä başlanuın häm yalğan tawışlar qullanıluın alğa sörde. Berniçä partiyäneñ süz berläşep älege şaqqatqıç xällärne oyıştıruın söyläwçelär dä bar.