Berençe bizgäk vakśinaları 12 Afrika ilenä cibäreläçäk
Alarnı törle illärdä sınap qarağannar
Yaña êşlängän häm törle illärdä sınap qaralğan bizgäk vakśinası 12 Afrika ilenä cibäreläçäk.
Bötendön’ya sälamätlek saqlaw oyışması, BMOnıñ Balalarğa yärdäm itü fondı YUNİSEF häm Gavi vakśina ittifagınıñ urtaq belderüendä 2025 nçe yıl axırına yaqınça 18 million doza bizgäk vakśinasınıñ 12 Afrika ilenä cibäreläçäge citkerelde.
Angliyäneñ “GSK” farmaśevtika şirkäte êşläp çığarğan “Mosquirix” (RTS,S/AS01) vakśinası Gana, Keniya häm Malavida 1 million 700 meñ balada inde sınap qaralğan.
Kim digändä 28 Afrika ileneñ vakśina belän qızıqsınuı äytelä.
Bizgäk vakśinasına yıllıq ixtıyacnıñ 2026 nçı yılğa 40-60 millionğa qadär artuı kötelä.
Bizgäk çerkilär teşläwe belän yoğa häm urtaça 7 kön inkubaśiya çorınnan soñ anıñ belän zararlanğan keşedä tän qızışu, qaltıraw, baş awırtu, tirläw, küñel bolğanu, qosu, mussqullar awırtu, xälsezlek kebek simptomnar barlıqqa kilä.
2 minut sayın ber balanıñ ülemenä kiterä torğan bizgäk kübesençä Afrikada oçrıy.
Qıytğada yıl sayın urtaça 500 meñ keşe bizgäktän ğomeren yuğalta, alarnıñ yartısın balalar täşkil itä.
