"Terrorçı oyası" buşatıldı

Greśiyä başqalası Afinağa yaqın urnaşqan häm Türkiyä “terrorçılıq oyası” dip atawçı Lavrion lagere buşatıldı. İlneñ poliśiyä oyışması beldergänçä, anda bulğan 53 keşene migraśiyä häm sıyınu ministrlığına qarawçı başqa urınnarğa küçergännär. Moña 1947nçe yılda tözelgän lager’ qorılmalarınıñ naçar xälgä kilüe säbäpçe bula. Belderüdä äytelgänçä, küçenü waqıtında problema çıqmağan.  

Greśiyäneñ Qızılxaç oyışması yärdäm itä torğan möhacir lagerında terrorçı oyışma PKK/YPG teläktäşläreneñ yıllar buyı yäşäwe bilgele. Anda älege oyışmanıñ simvolları häm atamannarı Abdullah Öcalannıñ portretları êlengän ide.