Franśiyädä rizasızlıq belderü çaraları däwam itä
Poliśiya çığışı belän Tön’yaq Afrikadan bulğan 17 yäş’lek Nael Merzuknı atıp ütergännän soñ il külämendä protestlar ütä
Franśiya uzğan atnada sişämbe könne poliśiya Nanter şähärendä yul xäräkäte kontrole waqıtında çığışı belän Tön’yaq Afrikadan bulğan 17 yäş’lek Nael Merzuknı atıp ütergännän soñ başlanğan tönge protestlarğa qarşı köräşä.
Protestçılar maşinalarnı yandırdılar, kibetlärne taladılar, şähär xakimiyäte binalarına häm başqa mileklärgä höcüm ittelär.
Protestçılar Parij bistäsendä xatını häm balaları êçtä yoqlağanda mêrnıñ öyenä ut törttelär häm binağa maşina belän höcüm ittelär.
Bu waqıyğalar waqıtında mêrnıñ xatını ayağın sındırdı.
Naelnıñ äbise il külämendä däwam itkän waqıyğalarnı tuqtatırğa öndäde.
Franśiya ilbaşı Êmmanuêl’ Makron tärtipne torğızu öçen Franśiya xökümäten barlıq kiräkle çaralarnı kürergä çaqırdı.
Protestlarnı bastıru öçen kön sayın 45 meñ poliśiya xezmätkäre cibärelde.
Uzğan atnada könlek qulğa alınğan rizasızlıq belderüçe sanı 1300 gä citte,läkin soñraq bu san 157 gä kimede.
Franśiya räsmi zatları qırıslıq, köç qullanunıñ cäzasız qalmayaçağın belderä häm 17 yäş’kä qadärge protestçılarnıñ ata-anaların balaları qılğan êşlär öçen cawaplı bula aluları turında kisätte.
Çiktän tış uñçı qaraşlı media kommentatorı Naelnı ütergän poliśiya xezmätkärenä bulışu öçen buldırğan yärdäm fondına 900 meñ dollardan artıq aqça birelgän.
Xäzerge waqıtta qulğa alınğan poliśiya xezmätkäre maqsatçan, belä torıp keşe üterüdä ğayeplänä.
İldäge soñğı waqıyğalar bäxäsle pensiya reforması arqasında berniçä ay barğan protestlar belän köräşkän Makron öçen yaña krizis barlıqqa kiterä.
