Franśiyädä protestlar häm çualışlar

Franśiyädä Aljir çığışlı yäşüsmerneñ maşina yörtkändä poliśiyä tarafınnan atıp üterelüennän soñ başlanğan çualışlar däwam itä. İl matbuğatındağı xäbärlärgä qarağanda, älegä qadär başqala Parij tiräsendä 17 keşe qulğa alınğan.

Franśuz êşmäkärläre häm sänäğat’çelär cämğıyäte citäkçese Joffrua Ru de Bez’ye rizasızlıq çaralarında qatnaşuçılarnıñ 1 milliard yevrodan kübräk zıyan saluın citkerde.

İsegezgä töşeräbez, 27nçe iyün’dä franśuz poliśiyäse êçendä 3 keşe utırğan maşinağa ut açtı häm 17 yäş’lek yörtüçe Nael M.nı üterde. Moña rizasızlıq belderüçelär il külämendä törle şähärlärdä uramğa çığıp poliśiyä belän bäreleşte.

Yäşüsmerne ütergän poliśiyä xezmätkäre êşennän çitläşterelde häm saq astında xökem itelüenä qarar qılındı.

Parij, Marsel’, Lionnı da kertep bik küp şähärdä uzğan protest çaralarında talaw häm marodyerlıq oçraqları buldı, 10lap qalada säğat’ kiçke 9dan soñ uramğa çığu tıyıldı.