"Qara diñgez aşlıq koridorı kileşüendä Rusiyägä qağılışlı öleş ütälmi"

Kreml’ süzçese Dmitriy Peskov Mäskäwdä könüzäk mäs’älälärgä qağılışlı belderülär yasadı.

Peskov Qara diñgez aşlıq koridorı kileşüe qısalarında barlıq Rusiya banklarına, şul isäptän Rusiya awıl xucalığı bankına (Rossel’xozbank), SWİFT sankśiyälären beterü mömkinlegen bäyäläp, kileşüdä Rusiyägä qağılışlı öleşneñ ütälmäwen äytte.

”Xäzerge waqıtta bez bu kileşüneñ ber öleşeneñ tormışqa aşırılmawın küräbez. Kileşü waqıtı betärgä az waqıt qaldı. Läkin bu öleş tormışqa aşırılır digän ömet az”,- dide Dmitriy Peskov.

Uzğan ayda “Vagner”nıñ Rusiya xakimiyätenä qarşı qorallı fetnäsenä tuqtalğan Peskov, Federal’ iminlek xezmäte belän maxsus qurqınıçsızlıq köçläreneñ bu fetnägä kirtä quya almawına Kreml’neñ reakśiyäse buldımı-yuqmı digän sorawğa cawap birde.

”Min monıñ turında añlatma birmim. Barlıq Rusiya oyışmaları üz wazifaların tiyeşençä üti. Däwlät başlığı bu awır könnärdä Qorallı Köçlär häm maxsus köçlärneñ yuğarı däräcädä berläşüenä basım yasadı häm alarğa räxmäten citkerde”,- dide Kreml’ süzçese Dmitriy Peskov.