Soğud Ğaräbstanı bıyılğı xacılar statistikasın açıqladı
Soğud Ğärabstanı yaña tör koronavirus (Kovid-19) kizüennän (2020-2022nçe yıllardan) soñ berençe tapqır çikläwsez başqarılğan xac fasılında 150 ildän 1 million 800 keşeneñ xacı buluın belderde
Xac häm ömrä ministrı Täüfik är-Rabia mäs’älä belän bäyle bularaq matbuğat oçraşuın oyıştırdı.
Bıyıl xacı bulğan keşe sanınıñ 150 ildän 1 million 845 meñ keşegä citüen äytüçe Rabia tuplam xacı sanınnan 184 meñ 130 keşeneñ isä Soğud Ğaräbstanı watandaşı buluın belderde.
Soğud Ğaräbstanı statistika oyışması da bıyıl xacı buluçılar turında tafsille mäğ’lümatlär belän urtaqlaştı.
Yasalğan yazmaça belderügä kürä, ilneñ üzennän 184 meñ 130 keşe xacı bulsa, ğaräp illärennän 346 meñ 214, Aziya illärennän 1 million 56 meñ 317, Afrikadan 221 meñ 863, Awrupadan, Amerikadan, Awstraliyadan häm başqa illärdän 36 meñ 521 keşe izge cirlärdä xac ğıybadäten ütäde.
Xacılarnıñ 1 million 593 meñ 271e hawa yulı belän, 60 meñ 813e avtoyul belän, 6 meñ 831e dä diñgez yulı belän çit ildän Soğud Ğaräbstanına kilde.
Cirle häm çit il xacıları arasında ir xacıları 969 meñ 694, xatın-qız xacıları da 875 meñ 351 keşegä citkän.
