İranda qom buranı arqasında xastaxanälär tuldı

İrannıñ Sistan-Bäluçistan töbägendä qom buranı arqasında soñğı 4 köndä xastaxanägä salınuçılarnıñ sanı 746ğa citte.

İlneñ räsmi mäğ’lümat agentlığı İRNA xäbärenä qarağanda, qom buranı, bigräk tä, Zabul, Zäxäk, Xamun, Xirmend häm Nimrus şähärlärendä zıyan sala.

Sistan-Bäluçistan töbäge krizis idaräse ğomum mödire Mäcid Moxibbi beldergänçä, qom buranı arqasında xastaxanälärgä salınğan 764 keşeneñ 649ı öylärenä cibärelgän, 115 keşeneñ isä däwalanuı däwam itä.