Êsselektän 22 keşe ülde

Paqıstanda çiktän tış êsseleklär arqasında ğomere özelüçelär sanı 22 buldı.

“Geo News” telekanalınıñ xäbärenä qarağanda, Xayber Paxtunxva töbägeneñ Mardan cirlegendä hawa şartları köndälek tormışqa naçar täêsir itte. Andağı mediśina kompleksı citäkçese, tabib Tarık Mäxmüt çiktän tış êsseleklär arqasında rayonda tağın 18 keşeneñ ğomere özelüen belderä. Ülüçelärneñ kübese 50 yäş’tän ölkän xatın-qızlar.

İldä, şulay itep, êsse suğıp ğomere özelüçelär sanı 22gä citte.

Mardanda 17nçe iyün’nän 25enä qadär hawa temperaturası urtaça 40 gradus häm annan da yuğarı bula.

Yäkşämbe könne başqala İslamabadta Mediśina fännäre institutında 4 awıru çiktän tış êsseleklär arqasında wafat bulğan ide. Binada kondiśionerlar êşlämägän.