Xac qılırğa baruçılar 1,5 millionnan arttı

Soğud Ğaräbstanı çit illärdän xac qılırğa kilüçelärneñ sanınıñ 1 million yarımnan artuın belderde.

İlneñ räsmi mäğ’lümat agentlığı SPAnıñ xäbärenä qarağanda, pasportlar baş idaräse kiçä kiçkä qadär cir, hawa häm diñgez yulı belän kilgän xac qıluçılar turında belderü yasadı. Anda äytelgänçä, ilgä 1 million 626 meñ 500 bulaçaq xaci kergän. Alarnıñ 1 million 559 meñ 53e hawa yulı belän, 60 meñ 617se qorı cir yulınnan, 6 meñ 830ı isä diñgez aşa kilgän.

Soğud Ğaräbstanı statistika oyışması mäğ’lümatlarına qarağanda, 2023nçe yılda xac qıluçılar sanı il êçennän häm tışınnan bergä 2 million 400 meñ bularaq belderelgän ide.

İl 2030nçı yılğa qadär Äl-Xaram mäçetendäge kinäytü êşçänlekläre tögällänü belän xac qıluçılar sanın arttırunı maqsat itep quya.