"Şveśiyäneñ NATO äğ’zası buluı mäs’äläsendä äle dä bilgesezleklär bar"
Bu xaqta NATO ğomum särqatibe Yens Stoltenberg belderde
NATO ğomum särqatibe Yens Stoltenberg Şveśiyäneñ NATO äğ’zası buluı mäs’äläsendä äle dä bilgesezleklär barlığın äytte.
Ul Germaniyäneñ “Tagesspiegel” gazetına belderü yasadı.
Stoltenberg Şveśiyäneñ NATOğa kerü prośessına tuqtalıp bolay dide:“Şveśiya 11-12 nçe iyül’ könnärendä Litva başqalası Vil’nyusta uzaçaq NATO sammitında östäl artına utırırğa mömkin. Läkin haman da bilgesezleklär bar. Küptän tügel min Türkiyä ilbaşı Räcäp Tayyip Ärdoğan belän bu xaqta söyläştem. Ul Şveśiya başqalası Stokgol’mda Türkiyäneñ terrorçılıqqa qarşı köräş taläplärendä alğa kiteşne tanıy. Läkin ber yıl êlek Finlyandiya häm Şvesiya NATOğa quşılırğa çaqırılğaç bez kileşkännärneñ kübeseneñ tormışqa aşırıluın küräse kilä”.
Yens Stoltenberg Şveśiyäneñ NATO äğ’zası bulaçağına ömetlänüen belderep, “Bezneñ Tön’yaq qanatnı nığıtu öçen soñğı räsmi adımnı yasaw barlıq äğ’za illärneñ mänfäğat’läre öçen”,dide.
